previousnext


[ix]
Facsimile

In viri clarissimi Domini Michaelis Praetorii Harmonicos Concentus penitùs divinos. Georgii Remi Epode.

Traxerat Amphion, Thebanæ conditor Urbis,

(Fides si habenda fabulæs est)

Saxa sono testudinis indomitosque Leones

Doctâ lyrâ Orpheus Thracius.

Nil Demiremur factum. Miremur at istud,

Intra manentes corpora

Subvehere Has animas nostras in Sidera cantûs

Praetorium dulcedine.

Nam quis tam stupidus, tam blennus, bardus et excors,

Tam plumbeus mortalium est,

Cælitibus qui non sese putet esse beatis,

Et Angelûm additum Choris

Sentiat, ut primùm Polyhymnia succinit æde,

Et mulcet ima pectora?

Orpheus Saxonicus, quin Tu Germanicus Orpheus

Dicére, Praetori, mihi.

Immò Jessaeus nostris mihi crederis oris

Datus alter ex alto Polo.

Vive, hospes-sospes terris. Post funera, cælo

Certabis Angelis Chely.

ἐκ τόυ παραχρη̃μα

faciebam Norimbergæ pridie Kalendas Maias, cIͻ. Iͻ c. XIX.


previousnext